藝人余曉彤（Hidy）近年考獲潛水教練及教練訓練官牌照，身為潛水發燒友嘅佢去過世界各地唔少地方潛水，呢日佢留喺香港，不過潛水時見到大量垃圾浮喺海面，佢即刻幫手執垃圾。Hidy感慨表示香港係令佢最有歸屬感的水底，同時好心痛海洋被污染：「好多人話香港水域好醜陋，唔想喺呢度潛水。但呢度係我嘅家，亦係我初學潛水嘅地方，呢度有好美麗嘅時候，亦有好醜陋嘅時候，百感交集。雖然走遍世界，呢度先至係最有歸屬感嘅水底。」佢亦都呼籲潛水愛好者如果潛水時見到垃圾，就要執番上岸，再將水中垃圾棄置好，鼓勵大家出一分力一齊保護海洋！
#環境污染 #海洋污染 #保護海洋 #愛惜大自然